بیر شئعر / سئور شهابی

 

اولدوزلار گرنشیب ، گونش باتاندا

آی بنیزلی قوجا ، توستو ساتیردی

آیاق بارماق‌لاری جورابدان چیخیب

قیش‌ین شاختاسینا یومروق آتیردی

ساغ الینده کؤمور ، سولدا اوزرلیک

دونیانین گؤزونه دومان سالیردی

یاشیل چیراق‌لاری اوتاندیران‌دا

خئییر دوعا وئریب پارا آلیردی

دیره‌گین اوستونده یالقیز گؤیرچین

حیات یولداشینی جانلاندیریردی

بایاض بیر ماشیندا قارا بیر جاوان

یوزلوگو فرمانا دولاندریردی

فرمانین قاداسین قوجا گؤتوردو

ته‌یرلر آلتیندا ازیلدی باشی

الینده‌کی یازی قانا بویاندی

قارپیز ، پخله ، پشمک ، اونوتما کیشی

سئور شهابی

 

ارسال دیدگاه