چئویردی: سوسن نواده‌رضی
توخونمانی، آدی دا، گؤرونومو ده یادیمدان چیخان اوزاق بیر قوهومدان اؤیرندیم،
آنجاق سؤزو هئچ یادیمدان چیخماز…
دئییردی یاشام کامفا کله‌فینه اوخشار؛
اوجونو قاچیرتسان… پیرتداشیب دولاشیق دوشر!!
*
دویون دوشر…
بوروشوقلاشار…
قیریق- قیریق اولار…
سونرا دؤزمه‌لیسن…
دویونو واختیندا، حؤصله ایله آچمالیسان…
چوخ ال‌لشسن، دویوت بؤیویر!! برکی‌یر!!
*
بیر یئرده، الدن هئچ نه گلمز آرتیق…
کله‌فین باش- دیبینی کسه‌سن گرک!!!
بالاجا اینجه بیر دویون ووراسان گرک!!
سونرا او دویونو، توخونمانین ایچینده بیر تهر گیزلتمک گرک…
ایتیرمک گرک…
ائله بیر تهر کی، گؤرسنمه‌سین…
*
یادیندا قالسین کله‌فده‌کی او دویون‌‌لر
بالالی‌ـ بؤیوکلو سیخیتیلاردیر…
نئچه ایللیک کین‌لردیر
بیر یئرده بیتیرمک گرک!!
باش- دیبینی قیرتماق گرک!!
*
یاشام، «سایقی» آدلانان بیر بنده بَتدیر…
او بند قیریلارسا… یاشماین ایشی بیتمیشدیر