آشیق ادبیاتیندا بیر عرفانی دیوان /  کاتب اوغلو

بیر گوزله وورولموشام مین جانانه دییشمم.
یار عطرینی باغدا بیتن او ریحانه دییشمم
نه بیر طبیب آختاریرام نه بوعلی نه لوقمان.
بئله بیر جانان دردینی یوز درمانه دییشمم

جمالیندن مست اولموشام مئیه حاجت نه گرک
حسرتی آفت جاندی باشقا آفت نه گرک.
دوغرو عاشق هیجری سئور داهی وصلت نه گرک.
عشقین آجی محنتینی خوش رضوانه دییشمم

ایکی جهانی وئرسه لر جنتی رضوانی هم.
قارونون گنجینی بیرده ملک سلیمانی هم.
بیر قمری بیر گونشی بیر ید بیضانی هم.
اؤزو گیزلین فعلی آیدین لامکانه دییشمم.

کاتب اوغلو نه دانیشا نه آغلایا نه سینه.
نه اغیاره نه گؤونه نه باغلانا نسینه .
نه رقیب لر نه یولوندا نه گیزلنه نه سینه.
روز ازل یار یازانی یوز داستانه دییشمم.
کاتب اوغلو

ارسال دیدگاه