شئعر / تایماز

سومسونور باخیشلار لال کوچه لرده
دومسونور اورکلر کال کوچه لرده
اؤرتولور ایناما شال کوچه لرده
بو شه هه ر دای منی بوغور آی آللاه

باغلانیب کلفچه آغاج قولونا
ساریلیب بنؤوشه تیکان کولونا
هله ده قار یاغیر گونش یولونا
بو شه هه ر دای منی بوغور آی آللاه

شه هه رده کیمسه نین گؤزو یاشلانمیر
ایلکین باخیشلاردا سئوگی باشلانمیر
داها محببتدن کؤکسو داشلانمیر
بو شه هه ر دای منی بوغور آی آللاه

گئدیرم یئنی بیر شه هه ر یارادام
اورکده سئوگی بیر ته هه ر یارادام
بوغازدا بوغضوما قه هه ر یارادام
بو شه هه ر دای منی بوغور آی آللاه

ندندیر بیر کیمسه دردیمی سایمیر؟
شه هه رده سئوگیله سئوگینی یایمیر
باغیریر تایمازین اینانجی ، جایمیر
بو شه هه ر دای منی بوغور آی آللاه

شعر : تایماز مییانالی
————————————
سومسونور: ولگردی میکند
دومسونور: تلنگر میخورد
اینام: باور
کؤکسو: سینه

نظرات

  • بزرگ امین

    هانسی قایناغا دایانیب دومسونورو تلنگر خوردن آنلامیندا ایشله تمیسینیز؟
    دومسوکلمک واریمیزدی اما دومسونمک گورمه میشم من.

ارسال دیدگاه