۹  خرداد زنگاندا آشیقلار بایرامی

خرداد آیی نین دوققوزوندا زنگاندا آشیق موسیقی سی سسله نه جک. بو تؤرَنده شرکت ائدَن آشیقلار آذربایجان داستانلاری ایله سِن اوستونه گلیب، داستان سؤیله ییب – شعر اوخویوب و سازلارینی سسلندیره جکلر. هر آشیق اؤز گروهو ایله ۲۰ دقیقه وقتندن یارالاناراق بیر داستانی سؤیله یه جک. بو مراسیم داستانین آرادان گئتمه سی نین قارشینی آلماق اوچون قورولور. بیلدیگینیز کیمی زنگاندا اون ایلدن چوخدور کی آشیقلار بایرامی قورولور. یئنه بیلیریک بئله آشیقلار موسیقی سی تورک دیللی اوستانلاردا واردیر. آنجاق زنگاندا ایکی گروه بو حرکتده واردیرلار و اومود بونادیر کی گلن ایل بو ایکی مراسیم بیرله شه رک، ده یرلی و گؤزه گلن بیر مراسیمده بوتون ایران آشیقلارینی زنگانا توپلاسین.

   کئچن ایل زنگاندا آشیق هئیکلی ده قورولدو، آنجاق تاسوفله اوچ گون چکمه دی کی هئیکلی گیزلیجه سینه گؤتوردولر و زنگانلیلارین اعتراض سسینه سس وئره ن اولمادی.

   خرداد آیی نین دوققوزوندا امام خمینی (ره) مدنیت ائوینده آشیقلارین داستان سؤیله مک مراسیمی هامی اوچون آچیق و آزاددیر.

نظرات

  • زنگانلی

    سلام.
    ۱۱ ایل قورولان برنامه نین آدی«آشیق لار بایرامی» دیر. ۶ ایل قورولان برنامه «پاسداشت پیشکثوتان موسیقی آشیغی استان زنجان» آدیندا و ارشاددا قورولان برنامه نین قوروجوسو اوستاد آشییق مسلم عسگری دی.

    آشیقلار بایرامین میللت قورور . چاسداشت مراسمین دولت نه لزومو وار بو برنامه لر بیر آرایا گله. نقدر برنامه لر چوخالا او قدر ده یاخشیئی. قرار اولا دونیادا بیر سسلیک اولا ائله هر شهرده بیر انجمن بیر دانشگاه قورولسا کافی دی دای باشقا انجمن و دانشگاه لارا احتیاج یوخدور. هر برنامه نین بیر اهدافی وار و او اهدافا احترام قویولمالیدیر. هر کس فرهنگ یولوندا صادقانع چالیشیر الله کمگی اولسون. وار اولسون میللتیمیز وار اولسون آشیق موسیقی سی و بو موسیقی نی سئونلر.

ارسال دیدگاه